الآنــســـــه مخنــــــــوقـــــــــة

الجمعة، 10 أكتوبر 2008

احنا هنفوق امتى؟؟؟؟؟؟؟؟؟؟؟؟؟

دي اول مرة ليا اكتب في مدونة و بصراحة انا مفكرتش في موضوع المدونة ده الا لأني بجد اتخنقت .. مش هقول اني اتخنقت من الحياة و العيشة و الظروف و الكلام الفارغ ده كله .. لأ بالعكس .. انا الحمد لله عندي اطيب ام و اب في العالم و احسن اخوات و افضل عائلة و ظروفنا و لله الحمد تمام و مش محتاجة اي حاجة و حتى لو كنت نفسي في حاجة بس مش عندي مش مشكلة كل واحد بياخد نصيبه ... انا لما اقول اني اتخنقت فأنا قصدي اني اتخنقت من البشر و من الحالة الي وصلولها .. اتخنقت لاني انا واحدة خام و الناس دي كلها ذئاب و دايما بتخدع فيهم و بصدق الاقنعة الي هما لبسينها و الي تحسبه موسى يطلع فرعون ... اتخنقت لاني بجد مبقتش عارفة اصدق مين و أثق في مين ؟؟ ده حتى اعز اصدقائك ممكن في لحظة يبيعك و يغدر بيك ... البشر نسيو ان كلهم بني آدم زي بعض من لحم و دم و نسيو انهم مخلوقين من طين و أنو اصلا الدنيا الي هما عايشين فيها مش بتاعتهم ولا حتى فلوسهم و املاكهم بتاعتهم .. دي كلها املاك الملك القدوس ... نسيو نفسهم عالآخر و كل واحد اخد رشاش و نزل قتل في اخواته الأنسان الي زيه من غير ما يفكر حتى .. الشيطان اعماهم و غمى عيونهم و قدر يضحك على عقولهم .. انا مش عارفة احنا رايحين فين ؟؟؟ عمالين نرجع لورا من غير تفكير .. و أول ما تيجي تكلم واحد يقلك احنا احفاد الفراعنة .. احنا الي كنا و كنا .. احنا الي كنا في يوم من الايام اسياد الارض دي .. طيب ده كاااااااااااااااااااااان .. كـــــــــــاااااااااااان زماااااان و الي فات مات ... لحد امتى هنفضل نبص لورا عشان منشفش الي قدام ؟؟ احنا مالنا و مال ايام زمان ؟؟ احنا ولاد النهاردة .. فووووووقوووووووووو بقى ....أصحووووو

6 تعليقات:

Blogger AbdElRaHmaN Ayyash يقول...

المشكلة ان كل الناس متصورة ان الدنيا بقت وحشة عشان الناس التانيين هم اللي وحشين.
و ممكن اكون انا اللي بسرق او انا اللي بعمل او...
:)المشكلة ان محدش واخد باله ان المجتمع عبارة عن افراد .. و بقية الناس دي الذئاب زي ما بتقولي جزء مننا .. :)
يعني في الغالب المشكلة بتكون مننا في الاول
عموما مدونة جميلة
اتمنى انك تكملي
سلام

10 أكتوبر 2008 في 8:28 ص  
Blogger بنى ادمة يقول...

ردا علي مدونتك اختى اقول لكى ان البشر عمرهم مهيتغيروا واللى فيهم ده كله من نزعات شياطينهم فعلا انا بتمنى اشوف البشر كلهم فى الشكل اللى يليق بيهم كبنى ادمين لكن لازم نقول ان برده فىى امل عايش ب
ينا احنا البنى ادمين

20 سبتمبر 2009 في 6:21 م  
Blogger Unknown يقول...

عزيزتي لست انت الوحيدة في عالم الاختناق!
فأقلامي و أفكاري يتخبطا في دومة الاختناق و خصوصا الاختناق الديني و العربي, اقول لك بأني لست عربيا و لا اتبع ديانةمعينة, أنا أنسان و مذهبي هو الانسانيةو العدالة, لذا اسمحي لي أن ارسم لك لوحة من خربشة اقلامي لتعرفي ان الاختناق خطير جدا.

عرب.. ماذا اقول؟
من انتم.. و كيف اصبحتم؟
كنتم عبيدا و جهلة لعقولكم المتعفنة في زمن اللا حدودية
و الآن و قد نفض عنكم الغبار..
لنرأى انكم حثالة المجتمع الانساني المعاصر.
كم من راية من رايات التعصبية و الخارجية...
غرست بين افخاذ الدين..
كم من قبلة تفرقية و طائفية وضعت على نهد العروبة..
باسم العين بالعين.
يا ابناء العبيد و التعصبية..
هلموا لترميم عذرية العروبة
كفاكم سيل الدماء و البقاء على الحيض.
يا ابناء اللانسانية..
يا ابناء الديانات المزيفة...
يهودي , مسيحي , مسلم...
يا ابناء الفرعون..و ابا جهل
كفاكم زندقة الجاهلية في زمن اللا قوة
في زمن يغتصب امهاتكم ..
و انتم تمارسون العادة السرية
في زمن يتحول قبلتكم الى سوق الحرامية
في زمن يتحول الاسلام الى دين الكفر و الارهاب..
و المسيحية الى دين المقامرة و خلط الاوراق..
و اليهودية الى دين الدولار و تجارة الجنس..
في زمن يستحيل انتظار نزول البلاء.

dear
wish you all the best
plz take it easy & keep it up

ReBeL pEnS

11 أكتوبر 2009 في 11:56 ص  
Blogger ّّّ~!* الآنسة مخنوقه *!~ يقول...

رغم اننا متفقين في حاجه الا اني اختلف معاك في حاجات كتيييييييييير ... صديقي العزيز .. انت فكرتني بالمثل القائل : نعيب زماننا و العيب فينا و ما لزماننا عيب سوانا ... بجد لا لا لا لا .. مالكش حق تلوم العروبه او الدين .. اللوم علينا احنا لأننا احنا الي وصلناهم للدرجه دي من الحقاره في اعين الناس .. بجد الناس اخلاقها فسدت و مبئاش في ضمير بس رغم ذلك اعتقد انو لسا في ناس كتير كويسه و إلا كانت القيامه قامت ... لازم قبل ما نلوم الي حولينا نعاتب نفسنا و نشوف احنا ايه عيوبنا .. ساعتها هنفهم و بدل ما نلوم الناس هنساعدهم يبقو احسن

11 أكتوبر 2009 في 4:35 م  
Blogger Unknown يقول...

عزيزتي
لم اتهجم و لم اضع اللوم على الدين او العروبة, و مع انني لست عربيا ولا امل الى اي ديانة, احترم الاديان جميعا.. كل ما قصدته ان الناس هم صنعوا او غيروا مفاهيم الدين وباعوا العروبة لحماية عروشهم.

العقلية العربية و في مختلف الاتجاهات متحجرة و نائمة كالنوم أهل الكهف يا صديقتي !!

رايات تعلى هنا و هناك.. شئ جميل!! لكن ماذا تقول الرايات وما هي الصيحات...؟!!
طائفية (شيعية, سنية, وهابية, علوية زيدية, دورزية, اسماعلية و هلم جرى..)
و بها تستحيل المساعدة يا عزيزني

اتمنى لك كل التوفيق
ReBeL pEnS

11 أكتوبر 2009 في 6:00 م  
Blogger ّّّ~!* الآنسة مخنوقه *!~ يقول...

معاك حق العيب في الناس .. بس مش كل الناس .. انا احب اتكلم معاك اكتر .. اذا حبيت اضفني super.mero20@hotmail.com

13 أكتوبر 2009 في 1:41 م  

إرسال تعليق

الاشتراك في تعليقات الرسالة [Atom]

<< الصفحة الرئيسية